Alltagsheldinne
Hit isch also Weltfrauedag!
Gege Gewalt un Usbeutung! Fir Selbstbestimmung un Recht uf Bildung! Glicher Lohn! Blume! Gläsli Sekt! Her demit! Un morge isch widder Alltag.
Nur schu mol vorweg: Gschlechtergerechtigkeit isch kei Kompf gege d´Männer, sondern e Chance fir uns alli, freier z´lebe! S´Ziel vun dem Dag isch doch eigentlich, dass ma ne abschaffe kinne!
Iberall lest mer was iber starki, berühmti Fraue. Politikerinne, Wissnschaftlerinne, Unternehmerinne. Aber was isch mit selle, die ´s nid in d´Schlagzeile schaffe?
Mit minnere Oma, die de Oba nuch het froge misse, ob se schaffe gehe därf. Mit de Mütter, die nochm Schaffe nuch d´Kinder versorge, Esse ronkarre, Koche un de Huushalt schmisse, während ihri Kollege d´Fiiß nuflege? Was isch mit de Rentnerin, die nuch Nochberschaftshilfe macht un d´Enkele hiitet?
Mit de Altepflegerin, die immer e Lächle ibrig het obwohl se Schichte schiebt un underbezahlt isch?
Starki Fraue gibt’s iberall! Die, die sich durchbisse, die sich nid unterkriege losse, jeden Dag fir ihri Rechte kämpfe. Weltfrauedag isch nid nur fir die große Nome – er isch auf fir die Fraue, die jeden Dag kämpfe, ohne dass ´s einer merkt. Un die nid nur hit Lob verdiene, sondern immer.