Wie’s früher war
„Lumbe, Alteise, Håsefell“ – so kündigte sich der „Lumbesemmler“ mit Schellengebimmel in den 50er und 60er Jahren im Ort an. Das war die frühe Form der Mülltrennung und Wertstoffsammlung. Mit dem motorisierten Dreirad fuhren 2 oder 3 Leute durch den Ort und sammelten Lumpen, Alteisen, Hasenfell.
In dieser Rubrik wollen wir Vergangenes dem Vergessen entreißen und jüngeren Leuten zu vermitteln, was man aus wenig gemacht hat und wie zufrieden man damit war oder auch sein musste. Es soll das Arbeitsleben, die Arbeit der Hausfrau, das Leben in der Familie, einfach den Alltag von vor vielen Jahren begreiflich machen.
Es können aber auch Themen sein, die noch vor 15…20 Jahren bedeutsam waren, heute aber schon wieder „verschwunden“ sind.
In der Rubrik findet ihr sachliche Themen, aber auch lustige Geschichten. Was in der einen Mundart-Region bedeutsam war –man denke an die Arbeit der Steinbrecher (im „Ståbruch“)-, kam in der anderen Region gar nicht vor.
Wenn das im Dialekt Geschriebene nicht selbsterklärend ist, hilft die „Übersetzung“.
Es gibt so vieles wieder zu entdecken und ans Tageslicht zu heben.
Wir freuen uns über Beiträge – gerne in Textform oder als eingesprochene Audiodatei. Wer eine Geschichte erzählen oder über ein Thema berichten kann, aber nicht die Möglichkeit hat, sie aufzuschreiben oder aufzusprechen, wende sich gerne an uns.
Rheinfränkisch/Kurpfälzisch/Dossemerisch
Wånn ä Hemm åm Kråche durchgewetzt wår
Wånn ä Hemm åm Kråche durchgewetzt wår, hot ma sich beholfe. Mer isch zum Schneider gånge un hot de Kråche falsch bsetze losse. Un der hot ä Stickel vum Hemm hinne unne abgetrennt un hot in neie Kråche draus gemåcht.
Bedeutung:
Als man sich noch bis in die 50er, 60er Jahre hinein ein neues Hemd nicht leisten konnte, ging man mit dem am Kragen abgewetzten Hemd zum Schneider. Der hat ein Stück vom Rückenteil genommen und damit einen neuen Kragen gefertigt.
Willi Dehoust
Wie's früher war
Månschesterhouse
Uff die Månschesterhouse wår ma gånz stolz. Ma hot å åfach Manschester gsåt. Heit säischt ma Cordhouse un die Jeans wårn noch net sou in Mode..
Willi Dehoust
Wie's früher war
Besuch in der Stadt
Wånn mer frieher in die Schtadt zum Äikåfe gånge isch odder mer hott Verwåndte bsucht, hott die Mutter geguckt, ob mer sauwere Ohrn ghatt hott. Was dehnen do sunscht die Leit såche…
Månschmol hott mer halt noch in Wäschlumbe gebraucht.
Bedeutung
Wenn man früher in die Stadt zum Einkaufen ging oder man hat Verwandte besucht, schaute die Mutter immer nochmal nach, ob die Ohren auch sauber waren. Was würden da die Leute sagen…
Aber wenn überhaupt hat ein Waschlappen dann doch meist genügt.
Willi Dehoust
Wie's früher war
Es derf nix verkumme
Früher wurde mehr gekocht und mehr gegessen. Da hieß es dann:
„Des kamma doch net verkumme losse“ oder „des derf ma doch net verkumme losse, des wär schåd dafor“.
Also isst man den Rest des Essens auch noch auf. Es wäre schade drum.
Wenn gar zu viel übrig blieb: „Dånn wår´s noch ä Kochets fer de nechschte Dåg„. Darauf hat die Hausfrau schon geachtet. Die Reste gab es (mit anderem zusammen) am nächsten Tag.
Aber auch, wenn der Hausherr nicht so viel Geld nach Hause brachte oder nicht so arbeitsam war: „Der lesst alles verkumme“ was soviel bedeutete wie:
Der kümmert sich nicht um sein Haus, seinen Garten. Der lässt also alles verkommen bzw. kaputt gehen.
Willi Dehoust
Wie's früher war
Rheinfränkisch/Kurpfälzisch
Wie d‘ gloane Mädlen noch Zepf un Schlipf am Kopf ghat henn
Am Oafang vun de 50er Johre im ledschde Johrhunnerd henn d’meischde Mädlen noch lange Hoor ghat (un bloß e paar devu schun Buwikepf = Kurzhaarfrisuren) , awwer die fascht nie offe losse derfe, die sin jeden Dag gebändicht worre vun de Midder un Großmidder zu’me Zopf odder zwai Zepf, zu Affeschaukle (=Zöpfen, die man einmal umgeschlagen hat u. in Ohrhöhe festgesteckt), un in oinere odder zwai „Tolle“-Rolle, wu feschtgschdeckt worre sin mit Kämmlen uff’m Owwerkopf. Un dann hosch meischdens noch en Schlupf dezu am Kopf feschtgmacht griegt, oft farwich un bassend zu de Glamodde.
Dess war vielleicht en Uffwand jeden Morge, un wann d‘ Mudder schlecht druff war, hot’se de schun als mol beim Schdrehle (= Kämme) oaschdennich gezowwlt (an den Haaren gezogen auch mit dem Kamm oder der Bürste ) un d’Zepf als straffer gflochde wie sunscht , dass’es denooch de ganz Dag noch g’schbiert ghat hosch em Kopf.
I selwer hab do am Owwerkopf zwai große Rolle ghat (große Haarsträhnen mit Steckkämmchen nach innen gedreht u. mit denen links und rechts vom Mittelscheitel festgesteckt (e gloans Vogglnescht 🙁 )…de Hoorrescht vun de Seit un vun hinne hot dann noch glangt fer zwai Zepf !
Un als Kreenung vun allem haww i noch en Schlupf (= Schleife) dehinner gsteckt griegt. Des war awwer koi Schlipfl , sondern en kunschtvoll zammegfassde große Schlupf aus braide seidich raschelnde Bänder, wu’s in alle Farwe gewwe ghat hot zum Ausgleich vun meinre zwai „Tolle“-Rolle. Un so’n halbkreisfermiche Dobblschlupf hot dann ausgeseh wie en Brobeller …
Uff meim Schulweg bin i als an’eme Haus vorbeikumme, wu e aldi Fraa dringwohnt isch , wu viel schbaziere geguckt hot.
Wann’s dann als e bissl windich war, hot die als zu’mer riwwergrufe: “ Heit musch awwer widder uffbasse, dass net devofliegsch mit deim Brobeller !“
Awwer i glaabs net, dass dess bassiere gekennd hedd, hab nämlich da dick Gerhard (wu schbäder „Hoss“ grufe worre isch) bei’mer ghat, wu mi als abgholt hot fa in d’Schul un der hedd schun devor gsorgt, dass i net abheeb un uff’m Bodde bleib!
Angelika Futterer
Wu’s frieher uff’m Dorf noch en „Schaffknecht“ un e „Schaffmaad“ gewwe hot …
So’n „Schaffknecht “ un e „Schaffmaad“ (= Arbeitsmagd) domols isch meischdens net fer sei/ihre Ärwedd (Arbeit) bezahlt worre als Hilfskraft, sondern war häufig (oft a zamme mit „fleissich“) e lobende Bezeichnung fer en junge Kerl odder e jungs Mädel odder a Kinner, wu gut un viel gschafft un mitg’holfe henn , freiwillich odder weil ma sie’s g’haiße ghat hot. Dodruff henn sie dann arg stolz sei derfe!
Angelika Futterer
Knoddlkärschl
Wann die Gail durchs Ort g’loffe sinn, dann hewwe sie als mohl ihr Knoddl falle glosst. Die Buwe hewwe dann die Knoddl mim Knoddlkärsch eigsammelt. Des woh en gute Dinger fa de Gohde.
Bedeutung:
Statt Traktoren hatten die Landwirte Pferde. Deren Hinterlassenschaften wurden mit einem „Pferdeäpfelwagen“ – meist kleinen „Bollerwagen“ – eingesammelt und fanden als Dünger Verwendung.
Charly Weibel
Beim Lesen des „Knoddelkärschl“ erinnerte sich Angelika Futterer an zwei „Blumepeter“-Witze, welche immer mit der Einleitung „Da Blume-Peter war mol…“ oder „Da Blume-Peter hot emol….„begannen:
„…da Blume-Peter hot mol mi’m Knoddl-Sammle e Paus zu mache wolle, weil er mied war , hot sei Knoddlkärschl an’ere Hauseck abgschdellt un isch irgendwie in’eme kiehle Zimmer glandt, wu er sich net uffs odder ins Bett (dess hedd er sich net getraut, so dreggich, wie’er war) glegt hot , sondern unners Bett uff de Bodde. Korz druff isch dann a schun e jung verheierds Päärle kumme, hot sich glei uffs Bett falle glosst un in de Arm gnumme. „Liebling, in deinen Augen sehe ich die ganze Welt !“ hot dann de jung Mann zu seim Frääle gsagt, verliebt wie’er war…
„Jesses“…ischs dann glei laut aus’m Blume-Peter (vun unnerm Bett) rausgfahre „…siehsch a mei Knoddlkärschl ???“
„…da Blume-Peter war a mol Passaschier uff’eme Langschdregge-Flug, wu middldrin e Driebwerk ausgfalle isch un’s ganz schee brenzlich worre isch im Flieger. Desswege hot de Kapitän e Durchsag‘ gmacht un d‘ Passaschiere gfroogt un gebeede, ob net ebber vun’enne e geischdliche Handlung vollziehe kennd…
Un schun hot sich da Blume-Peter gmeldt un gsagt: „Gebt’mer mol en Hut, isch geh sammle !“
Wie's früher war
Südfränkisch: Brigandisch/Karlsruher Deidsch
E Zehnereis
Sommers immer samschdags isch de Eismann, heid dädsch sage mid seim Laschderad, bei uns durch d’Schdrooß gradeld un had mid so re Handschell bimmeld. Druff had‘r am Egg dann uff uns gwaard. Unner drei silbriche Haube in so me weiße Kaschde war se verschdeggeld, die kald un siß Verloggung, des Schbeiseeis. Maaischdens Zidron, Vanill mid so schwarze Pinggdle un Schoggo.
Fir e Zehnerle had’r d‘r aain Bolle uff so e Schbidzgiggle, uff die Eistiid aus Waffeldaaig, driggd.
‘s Wasser isch d’r scho im Mund!
Jedzerd hasch d’verschiedenschde Technigge beim Schlodze sehe kenne. Obbe am Eisgiggle rundrum gleggd, mid de Zung direggd von de Kugel gschleggd odder d’Schbidz vom Giggle unne abbisse un dann des Eis durch d‘ Waffel zoge un gludschd. Ganz Gieriche hen als amol ins Gfrorene neibisse.
‘s war abber laaider immer nur e kurze Freid un fir e Zwaaids hasch kaai Geld ghad!
Bernd Siemers
De Esseschdänner
Wo ich in Volggsschul gange had’s damols die sognannd Schulschbeisung gebbe. Mer had a Quäkerschbeisung gsagd, weil die Glaabensveraainigung aus Amerika had seinerzeid nach em Krieg die Kinnerschbeisung zahld.
Die Schiler hen dodezu en Topf, en Behälder midbringe misse. Ich hab en Esseschdänner midgriegd. Des Daail war un isch bis heid, mid glaaine Ännerunge, nix anners als wie ‘s Koch- un Essgschirr von de Soldade.
Niereförmich mid Henggel, zwaai Deggeldaail, Leffel, Messer un Gabbel. Meiner had nur en Deggel un en Leffel ghad. Des had a graaichd, weil ‘s had maaischdens Eitopf, Hafer-oder Griesbrei gebbe. Ofd d‘ aainzig Mahlzeid am Dag un des, was als ibbrich bliebbe isch, hasch immer mid haaim bringe misse.
Bernd Siemers
Wie's früher war
Oberrhein-Alemannisch
Wemma bim Kriese ufhebe Durscht ghet het
Frijer – un domit mein ich in dere Gschicht d´80er Johr – hen mir als Kinder nuch vun de Eltre glernt, dass ma nochm z´ville Kriese esse kei Sprudel oder Wasser suffe därf. Des gibt nämlig Ronzepfiffe oder s´platzt einem sogar de Buch devu! Selldrum hen mir Kinder bim Kriseufhebe nebeher Schwarztee suffe dirfe mit e bisli Zucker un mit´m winzige Schluck Kriesewasser drin – des isch s´einzigschde was ma do gut suffe konn.
Bedeutung: Die drohenden Konsequenzen, wenn man nach dem übermäßigen Verzehr von roten Früchten (hier Kirschen) Wasser trinkt, reichen von Bauchschmerzen bis zum geplatzten Bauch. Ein Mythos der sich lange hielt! Es gibt auch ohne Wasser Bauchschmerzen! Lieber Maßhalten beim Kirschennaschen
Veronica Kerber