Iwwerschlage

Sage se mol, jetzt im Winter. Hot ihrn Heizungsmensch weiter alles richdich eigstellt? Dass mer spart, awwer trotzdem net schnattere muss? Monche hocke ufm Kanapee un bibbere oder schlottere liewer, weil se heggarisch werre, wenn sie an die Energiekoschde denke.

Wichdich: zu simliere wie mer em Beschte vorgeht. Wenn’s so kalt isch, sod mer net bloß barfießisch oder strimpfich oder sogar nackich oder bludd , noch seltener strimpfich oder gar barfiesich rumlaafe. Warme Schlabbe sind eine gute Basis, longe Unnerhose noch besser. Dezu basst en Zweter.

Echte Jammerlabbe ziege noch de Fauschdhensching o un die Kapp iwwer de Kopf. Mir sin jo net  newe de Kapp, dassd  mer de Dez net schitzt. Jetzt hot mer wennicher Ongschd, sich de  Pfipfes zu hole. Wer des alles macht, hot uf jeden Fall de Vordl raus.

Wer net ufs Geld guckt, der blost immer noch viel naus, bei dem bollert die Heizung. (Blos net dem Habeck verrote.). Annere reicht’s, wenn des Zimmer lowarm isch. Dann secht mer, mit eme superprakdische Mundartwort: Die Temperatur isch iwwerschlage.

Thomas Liebscher