Liewa Mundartverein,

schunn länger will ich dir was sache, ich halt´s nimmi aus,
jetzt langt´s. Genung gward, jedzd musses äfach naus.

Ich beobachd dich schunn seid vorrischs Joahr im Summer,
dortmols warsch noch äh ziemlich kläni Nummer.

Dei Grindung wurd for mich iwwaraschend än Hid.
Heb ich gschdaund, schee viel Leid machde do mid.

Des war äm Reulinger Rodhaus, drowwe unnam Dach,
schunn do war die Schdimmung subba, es ging zur Sach.

All minnana freindlich, reschpektvoll, organisiert, for alles offe.
Du liewa Himmel heb isch do klasse Leid gedroffe.

Sellemols hewwi gedenkt, des wärd sisch leje, ma werres sehe
wuhi sich des endwiggeld, wuhi die Wege gehe.

Awwa do, uff ämol gabs äh Homepage mit viel Infos und die schreiwe all nett.
Die Verantwortliche senn uff Zack unn fördere Kultur und Sproche, awwa volles Brett.

Verohschdaldunge findsch do iwwas ganze Joahr,
wer do dahäm bleibd isch selwa schuld, wirklich woahr.

Zum Beischbiel bei de Woihnachtsfeier bekam jeder mehna alsa erward hod unn ah wassa will,
mit Esse, Drinke, Biecher, Vorträg, Musich, Kontakte, Kennelerne unn viel Spaß unn Spiel.

Liewa Mundartverein, bei dir senn all per „Du“, du bisch for jung und alt, du bisch familiär.
Rodschläg, Unnastützung, Förderung unn gude Gschpräche zu bekomme isch echd ned schwer.

Jeder deiner Mitglieder isch ebbes Bsunnares, jeder trägt ebbes bei,
jeder ghert glei dezu, isch sofort indegrierd unn sofort debei.

Sprachheimat, ich sach dir und deiner Mannschaft vielen Dank,
for die Zukunft alles Gute unn mach weida so. Du bisch äh Bank.

Maddin