„Zwaai waaiche Aaier in aainere Raaih uff de Kaaiserschdrooß“!  

Ned emol Schbroochwissenschafdler:inne wisse als, dass des de Laaidschbruch fir Brigande un Brigandinne isch. So haaißd mer nemmlich selle, wo do gebore sin. Noch viel wenicher kenne s‘en fir ‘s Karlsruher Ohr jemols richdich uffsage. Do machd de Ton d‘Musich. Do dud en Aaihaaimische ganz glar mergge, der odder die isch a von do. Des kannsch ned schdudiere. Abber a mir, wo do uff d’Weld komme sin, hen e Problemle.  

Midde durch unsern Schbroochraum ziegd sich e usichdbare Grenz, uff de anner Seid werd ‘s Aai zum Oi, also aus zwaai werd zwoi. Ich leb uff de Aaierseid! Brigande sin m‘r abber alle!
Im dägliche Umgang midenanner dusch noch ebbes feschdschdelle, ‘s werd beim Schwädze an Weerder gschbard. „So e Blooder“ haaißd nix Anner‘s wie „Gugg mol selle do, die isch abber saumäßich gud beienanner“, also gud durch de Winder komme!  

Un wer denggd’n scho, dass bei „Lass se renne“ ned nur d’ Freindin g’maaind sei kann, sonnern a e Maschin.
Wenn bei uns ebber mid ebbes ned schnell gnug ferdich werre dud, dusch aaifach frooge: „Schloofsch“! Un uff de Hiweis „Dummel de e bissle“, kannsch dann als Redurkudsch gsagd griege „Dummel numme du de“ un „Hald se jo“, also dei Labb!
Mid dir bin e sowieso ferdich. Mei Alde had m’r gsagd, dass du re des gsagd habbe dusch, wo ich d‘r gsagd habbe du, des werd derre abber ned gsagd! „So e aaidermliche Dingere! Wo ich derre doch ausdrigglich gsagd habbe du, des wird dem abber ned gsagd, was ich d’r gsagd habbe du“!  

– Des war Brigandedeutsch. … vom Bernd